أصعب حاجة أهلك يفضحوا أسرارك | رولا خرسا تدعم شيرين برسالة قوية

أبدت الإعلامية رولا خرسا، حزنها الشديد على ما تعرضت له الفنانة شيرين عبد الوهاب في محنتها الحالية ، وذلك عبر صفحتها الرسمية على موقع الصور والفيديوهات إنستجرام. 

وقالت رولا خرسا : الي بيحصل لشيرين عبد الوهاب ابتلاءً كبير اوي.. اصعب حاجة في الدنيا اما اهلك يطلعوا يفضحوا اسرارك علي الهواء حتى لو كان عشان حمايتك.. الي ربك
ستره تفضحوه ليه؟ كان ممكن يستنجدوا باي حد كتيمي من غير ما يطلعوا في التلفزيونات يتكلموا.

واضافت رولا خرسا : قلبي واجعني علي بناتها الي عايشين في الجو دا والي مهما كانوا شايفين الا اما الناس كلها تعرف حيتعرضوا في المدرسة ومن الي حواليهم لكلام قاسي وتنمر.

تتصدر التريند.. صور جمعت شيرين عبدالوهاب وحسام حبيب| شاهد

ليست من الأزمة الأخيرة.. حقيقة صورة شيرين عبدالوهاب داخل المصحة.. شاهد

واضافت رولا خرسا : وشيرين نفسها حتي لو مدمنة فحقها عليهم انهم ياخدوها في حضنهم ويساعدوها مش ينشروا اخبارها حتي لو شايفين ان دا لمصلحتها.. ربنا معاكي يا شيرين حتي لو الدنيا كلها سابتك.. مفيش انسان في الدنيا يستاهل انه مايلاقيش حد جنبه.. تاني بقول : مهما عمل.. ادعوا لها يا جماعة ان ربنا يشفيها ويفك كربها دا..شيرين محتاجة لدعم نفسي قوي جدا وتالت ورابع بقول: مهما عملت بلاش كل حد يطلع القاضي والجلاد الي جواه.. طلعوا بدالهم الانسانية والرحمة..والله كلنا علي الارض غلابة وعايشين بستر ربنا.

تصدرت الفنانة شيرين عبد الوهاب ، ترند موقع التواصل الاجتماعى “ تويتر ” بعد مكالمة شقيقها محمد مع الإعلامي عمرو أديب وتأكيده باصطحابها إلى أحد المستشفيات للعلاج رغما عنه . 

ودشن رواد مواقع التواصل الاجتماعى “ تويتر ” هاشتاج شيرين عبد الوهاب وتصدر قائمة الاكثر تداولا .